Rossiya Federal xavfsizlik xizmati (FXX) IShID terrorchilik tashkilotining Moskva viloyatidagi bo‘linmasi faoliyatini to‘xtatgani haqida hisobot berdi.
FXX ma’lumotlariga ko‘ra, bo‘linma a’zolari “ham o‘qotar qurollar, ham qo‘lbola portlovchi uskunalar vositasida Moskva shahrida shov-shuvli teraktlar”ni amalga oshirishni maqsad qilib qo‘ygan edi. Olti nafar gumonlanuvchi ushlangan.
FXXning qo‘shimcha qilishicha, “terrorchilik bo‘linmasi faoliyati Suriyadagi — asli Markaziy Osiyo mintaqasidan bo‘lgan yo‘riqchilar tomonidan boshqarib turilgan”.
Meduza’ning yozishicha, Rossiya prezidenti Vladimir Putin 25-oktabr kuni FXX xodimlari yil boshidan beri 15 ta teraktning oldini olganini ma’lum qilgandi.
Izoh (0)