Moskva shahar sudidagi sud maslahatchilari O‘zbekiston fuqarosini o‘ldirishda ayblangan Rixard Sobolevni oqladi. Bu haqda “Sputnik” xabar bermoqda.

Sud maslahatchilari bir ovozdan — sakkiz maslahatchining barchasi — Sobolevni oqlash uchun ovoz berdi. Avvalroq Rixard Sobolev milliy kamsitish zamiriga asoslangan sabab bo‘yicha jinoyat sodir etganlikda gumon qilinayotgan edi.

Hukm e’lon qilinganidan so‘ng Sobolev sud zalidan ozod qilindi, ayni vaqtda u o‘ziga qo‘yilgan aybni tan olgani yo‘q.

Tergov talqiniga ko‘ra, sudlanuvchi 2014-yili sheriklari bilan birga Moskvaning Tushino tumanida o‘zbekistonlik muhojirga hujum qilib, unga pichoq bilan ko‘plab tan jarohati yetkazgan.

Sobolev bungacha “Bolotniy ishi” bo‘yicha ham sud qilingan. Uni Bolotniy maydonidagi mitinglardan biriga ketayotganida yo‘lda qo‘lga olishgan. 2012-yil mayidagi ma’muriyat bilan kelishilgan holda o‘tkazilgan namoyishlar keyinchalik politsiya bilan to‘qnashuvlarga aylanib ketgan, 400 dan ortiq namoyishchi qo‘lga olingan edi.