O‘zbekiston Professional futbol ligasi va Ispaniya La Ligasi o‘rtasidagi aloqalarni mustahkamlash, hamkorlikda o‘tkaziladigan turli tadbir, musobaqalar hamda seminarlarga jamoatchilik e’tiborini yanada orttirish, qolaversa, ikki mamlakatning sport hamda san’at namoyandalari o‘rtasida ham yaqin aloqalarni yo‘lga qo‘yish maqsadida, Professional futbol ligasi o‘z elchilarini tayinladi. Bu haqda PFL matbuot xizmati xabar berdi.
Taniqli qo‘shiqchilar – Shahzoda hamda DJ Piligrim La Liga bilan hamkorlik doirasida Professional futbol ligasining elchisiga aylandi. Endilikda La Liga hamda PFL tomonidan hamkorlikda tashkil etiladigan turli sport tadbirlarida Shahzoda va DJ Piligrim muntazam ravishda ishtirok etib boradi.
28-oktabr kuni Toshkentda ilk marta tashkil etiladigan “Ommaviy El-Klasiko” tadbirida ikkala san’atkor ham qatnashadi.
Izoh (0)