Ўзбекистон Профессионал футбол лигаси ва Испания Ла Лигаси ўртасидаги алоқаларни мустаҳкамлаш, ҳамкорликда ўтказиладиган турли тадбир, мусобақалар ҳамда семинарларга жамоатчилик эътиборини янада орттириш, қолаверса, икки мамлакатнинг спорт ҳамда санъат намояндалари ўртасида ҳам яқин алоқаларни йўлга қўйиш мақсадида, Профессионал футбол лигаси ўз элчиларини тайинлади. Бу ҳақда ПФЛ матбуот хизмати хабар берди.
Таниқли қўшиқчилар – Шаҳзода ҳамда DJ Piligrim Ла Лига билан ҳамкорлик доирасида Профессионал футбол лигасининг элчисига айланди. Эндиликда Ла Лига ҳамда ПФЛ томонидан ҳамкорликда ташкил этиладиган турли спорт тадбирларида Шаҳзода ва DJ Piligrim мунтазам равишда иштирок этиб боради.
28 октябрь куни Тошкентда илк марта ташкил этиладиган «Оммавий Эль-Класико» тадбирида иккала санъаткор ҳам қатнашади.
Изоҳ (0)