Xose Mariya Sanches Martines Ispaniya La Ligasi 10-turi doirasida bo‘lib o‘tadigan “Barselona”—“Real Madrid” uchrashuviga bosh hakam etib tayinlandi.
Uchrashuv 28-oktabr, yakshanba kuni bo‘lib o‘tadi.
Martines o‘tgan mavsum Madridda kechgan “El-Klasiko”ni ham boshqargandi. O‘shanda “Barselona” “Real”ni 3:0 hisobida mag‘lub etgandi. Bosh hakamga VAR tizimi orqali Alexandro Ernandes yordam beradi.
Eslatib o‘tamiz, 11 yil ichida ilk marta “Barselona”—“Real” bahsida na Messi va na Ronaldu ishtirok etadi. Krishtianu “Yuventus”ga o‘tib ketganligi bois, uchrashuvda qatnashmasa, Messi esa o‘tgan turda qo‘li singanligi bois uch hafta maydonga tusha olmaydi.
Izoh (0)