Qozog‘istondagi ijtimoiy tarmoqlarda o‘zbekistonlik ikki ayolning yordam so‘rab qilgan videomurojaati paydo bo‘ldi. Bu haqda “Aktobe tayms” xabar bermoqda.
Opa-singil bo‘lgan ayollar Toshkentda yashagan. Bu yerdan Minskka, u yerdan Moskvaga yo‘l olgan. Rossiya poytaxtida ularning pullari, deyarli barcha hujjatlari, nogironligi bo‘lgan ayolning esa hatto hassasini ham o‘g‘irlashadi.
— 22-sentabrda Minskda, 26-sentabrda esa Moskvada edik, — deya hikoya qiladi ulardan biri. — Bizni tunashgandan so‘ng Moskva adaptatsiya markaziga murojaat qildik. Bu yerda Toshkentga yetib olishimiz uchun pul yig‘ildi, biroq to‘plangan mablag‘ faqat Aqto‘begacha yetdi, xolos.
Befarq bo‘lmagan aktobeliklar va volontyorlar tufayli ayollarga boshpana topildi, kiyim-kechak va taom berildi. Poyezdga chipta sotib olinib, O‘zbekistonga jo‘natildi.
Izoh (0)