Ақтўбеда пул ва буюмларини ўғирлатган тошкентлик икки аёлга Ўзбекистонга етиб олишига кўмак берилди

Қозоғистондаги ижтимоий тармоқларда ўзбекистонлик икки аёлнинг ёрдам сўраб қилган видеомурожаати пайдо бўлди. Бу ҳақда «Актобе таймс» хабар бермоқда.

Опа-сингил бўлган аёллар Тошкентда яшаган. Бу ердан Минскка, у ердан Москвага йўл олган. Россия пойтахтида уларнинг пуллари, деярли барча ҳужжатлари, ногиронлиги бўлган аёлнинг эса ҳатто ҳассасини ҳам ўғирлашади.

— 22 сентябрда Минскда, 26 сентябрда эса Москвада эдик, — дея ҳикоя қилади улардан бири. — Бизни тунашгандан сўнг Москва адаптация марказига мурожаат қилдик. Бу ерда Тошкентга етиб олишимиз учун пул йиғилди, бироқ тўпланган маблағ фақат Ақтўбегача етди, холос.

Бефарқ бўлмаган актобеликлар ва волонтёрлар туфайли аёлларга бошпана топилди, кийим-кечак ва таом берилди. Поездга чипта сотиб олиниб, Ўзбекистонга жўнатилди.