1 ta oltin, 1 ta bronza. O‘zbekistonlik bokschilar o‘smirlar Olimpiadasida sovrindor bo‘ldi

Buenos-Ayresdagi o‘smirlar olimpiadasida O‘zbekiston hisobiga  yana 2 ta medal yozib qo‘yildi.

18-oktabr, so‘nggi kun dasturidan o‘rin olgan musobaqalarda -56 kg vazn toifasida O‘zbekiston sharafini himoya qiltgan Abdumalik Xalokov oltin medal uchun ukrainalik Maksim Xalinichevga qarshi jangda, ochkolar evaziga 5-0 hisobida g‘alaba qozondi. Shu tariqa Abdumalik oltin medalni qo‘lga kiritdi.

-81 kg vazn toifasida bronza medali uchun ringga chiqqan o‘zbekistonlik Timur Merjanov misrlik Yusuf Ali Kararni mag‘lub etdi. Shu tariqa Timur ham o‘smirlar Olimpiya o‘yinlari sovrindori bo‘ldi.

Bu bilan  O‘zbekiston terma jamoasi hisobidagi medallar soni 14 taga yetdi. Shularadan 4 tasi oltin, 4 tasi kumush, 6 tasi bronza medallaridir. Shuningdek, o‘zbekistonlik sportchiar mikst bahslarida 1 ta oltin va 1 ta bronza medaliga ega. Ammo bu medallar O‘zbekistonning medallar jadvaliga ahvoliga ta’sir ko‘rsatmaydi.