Havaskor boksda jahon chempionati sovrindori, Osiyo chempioni hisoblangan o‘zbekistonlik Elnur Abduraimov bugun, 19-oktabr kuni tongda AQShda professional boksdagi ikkinchi jangini o‘tkazdi.
Elnurga prof boksdagi 2-jangida amerikalik Xose Salinas raqiblik qilish kerak edi. Ammo noma’lum sabablarga ko‘ra, Xose Salinas bu jangda ishtirok etmadi. Abduraimovga bugungi jangda amerikalik Jovanni Gonsales raqiblik qildi. Elnur Gonsalesni 2-raundda nokautga uchratib, ketma-ket ikkinchi jangini ham nokautli g‘alabani qo‘lga kiritdi.
https://www.instagram.com/p/BpGS-S2gXeO/?taken-by=elnur.abduraimov
Ma’lumot uchun, Jovanni Gonsales bungacha prof ringda 7 ta jang o‘tkazib, ularning 5 tasida g‘alaba qozongan va 2 ta jangda mag‘lubiyatga uchragandi. Elnur esa prof ringdagi debyutini nishonlagan va jangda amerikalik Aron Hollinsni nokautga uchratgandi.
Izoh (0)