1 та олтин, 1 та бронза. Ўзбекистонлик боксчилар ўсмирлар Олимпиадасида совриндор бўлди

Буэнос-Айресдаги ўсмирлар олимпиадасида Ўзбекистон ҳисобига  яна 2 та медаль ёзиб қўйилди.

18 октябрь, сўнгги кун дастуридан ўрин олган мусобақаларда -56 кг вазн тоифасида Ўзбекистон шарафини ҳимоя қилтган Абдумалик Халоков олтин медаль учун украиналик Максим Халиничевга қарши жангда, очколар эвазига 5-0 ҳисобида ғалаба қозонди. Шу тариқа Абдумалик олтин медални қўлга киритди.

-81 кг вазн тоифасида бронза медали учун рингга чиққан ўзбекистонлик Тимур Мержанов мисрлик Юсуф Али Карарни мағлуб этди. Шу тариқа Тимур ҳам ўсмирлар Олимпия ўйинлари совриндори бўлди.

Бу билан  Ўзбекистон терма жамоаси ҳисобидаги медаллар сони 14 тага етди. Шуларадан 4 таси олтин, 4 таси кумуш, 6 таси бронза медалларидир. Шунингдек, ўзбекистонлик спортчиар микст баҳсларида 1 та олтин ва 1 та бронза медалига эга. Аммо бу медаллар Ўзбекистоннинг медаллар жадвалига аҳволига таъсир кўрсатмайди.