Apple kompaniyasi egiluvchan ekranli iPhone’ni patentladi. Hujjatda yig‘iladigan gadjetning tarkibiy qismi sanaladigan oshiq-moshiq mexanizmining turli ko‘rinishlari tavsiflangan. Bu haqda “Korrespondent.net” xabar berdi.
Patentga asosan, egiluvchan displey oshiq-moshiqni yopib turuvchi korpus qismiga o‘rnatilishi kerak. Qurilma korpusining qismlari bir-biriga nisbatan aylanganda, ekran egilishi mumkin bo‘ladi.
E’lon qilingan suratlarga ko‘ra, gadjet ikki tomonga ham egila oladi.
Biroq qurilmaning yaqin kelajakda ishlab chiqarilish ehtimoli kam. Apple raqobatchi kompaniyalar tomonidan ishlab chiqariladigan xuddi shunday gadjetlarga reaksiyalar qanday bo‘lishini kuzatishi kutilmoqda.
Izoh (0)