Kecha, 16-oktabr sanasida Millat Ligasi 4-turi doirasida bir nechta uchrashuv bo‘lib o‘tdi.
JCh—2018 chempioni Fransiya terma jamoasi o‘z maydonida JCh—2014 chempioni Germaniyani qabul qildi. Uchrashuvda hisobni 14-daqiqada Toni Kroos penaltini aniq amalga oshirib ochdi. Ikkinchi bo‘limning 62 hamda 80-daqiqalarida Antuan Grizmann dublga erishib, maydon egalariga g‘alaba keltirdi. Ayni damda Fransiya 7 ochko bilan guruh peshqadami bo‘lib turgan bo‘lsa, nemislar hisobida 1 ochko bor, xolos.
Ukraina terma jamoasi esa Chexiyani o‘z uyida mehmon qildi. Ukraina keyingi bosqichga chiqishi uchun durang ham kifoya qilardi. Chexlar esa faqat g‘alaba qozonishi talab etilardi. Murosasiz kechgan bahsning 43-daqiqasida Ruslan Malinovskiy tomonidan kiritilgan gol o‘yin taqdirini hal qildi. Shu tariqa Andrey Shevchenko shogirdlari keyingi bosqichga chiqdi.
Irlandiya termasi Uelsga qarshi maydonga tushdi. Asabiy kechgan bahsda muxlislar bitta gol va 4 ta qizil kartochka guvohi bo‘ldi. Yagona gol esa 58-daqiqada Uels futbolchisi Uilson hisobiga yozildi.
Qo‘shni Qozog‘iston termasi o‘z maydonida Andorra bilan bellashib, 4:0 hisobida g‘alabaga erishdi.
Millatlar Ligasi
16-oktabr, seshanba
4-tur bellashuvlari
Fransiya—Germaniya 2:1
Gollar: 0:1 – 14, penalti Kroos, 1:1 – 62 Grizmann, 2:1 – 80, penalti Grizmann.Ukraina—Chexiya 1:0
Gol: 1:0 – 43 Malinovskiy.Irlandiya—Uels 0:1
Gol: 0:1 – 58 Uilson.Chetlatishlar: Long (16), Devis (33), Makkleyn (49), Long (71).
Izoh (0)