Кеча, 16 октябрь санасида Миллат Лигаси 4-тури доирасида бир нечта учрашув бўлиб ўтди.
ЖЧ—2018 чемпиони Франция терма жамоаси ўз майдонида ЖЧ—2014 чемпиони Германияни қабул қилди. Учрашувда ҳисобни 14-дақиқада Тони Кроос пенальтини аниқ амалга ошириб очди. Иккинчи бўлимнинг 62 ҳамда 80-дақиқаларида Антуан Гризманн дублга эришиб, майдон эгаларига ғалаба келтирди. Айни дамда Франция 7 очко билан гуруҳ пешқадами бўлиб турган бўлса, немислар ҳисобида 1 очко бор, холос.
Украина терма жамоаси эса Чехияни ўз уйида меҳмон қилди. Украина кейинги босқичга чиқиши учун дуранг ҳам кифоя қиларди. Чехлар эса фақат ғалаба қозониши талаб этиларди. Муросасиз кечган баҳснинг 43-дақиқасида Руслан Малиновский томонидан киритилган гол ўйин тақдирини ҳал қилди. Шу тариқа Андрей Шевченко шогирдлари кейинги босқичга чиқди.
Ирландия термаси Уэльсга қарши майдонга тушди. Асабий кечган баҳсда мухлислар битта гол ва 4 та қизил карточка гувоҳи бўлди. Ягона гол эса 58-дақиқада Уэльс футболчиси Уилсон ҳисобига ёзилди.
Қўшни Қозоғистон термаси ўз майдонида Андорра билан беллашиб, 4:0 ҳисобида ғалабага эришди.
Миллатлар Лигаси
16 октябрь, сешанба
4-тур беллашувлари
Франция—Германия 2:1
Голлар: 0:1 – 14, пенальти Кроос, 1:1 – 62 Гризманн, 2:1 – 80, пенальти Гризманн.Украина—Чехия 1:0
Гол: 1:0 – 43 Малиновский.Ирландия—Уэльс 0:1
Гол: 0:1 – 58 Уилсон.Четлатишлар: Лонг (16), Дэвис (33), Макклейн (49), Лонг (71).
Изоҳ (0)