O‘zbekiston Prezidenti Shavkat Mirziyoyev 13-oktabrdagi qarori bilan O‘zbekiston va Rossiya hukumatlari o‘rtasidagi O‘zbekiston hududida atom elektrostansiyasi qurishda hamkorlik haqidagi bitimni tasdiqladi. Bu haqda hukumatdagi manbasiga tayanib, “Gazeta.uz” xabar berdi.
Hujjat 7-sentabrda Moskvada ikki mamlakat bosh vazirlari tomonidan iqtisodiy hamkorlik bo‘yicha Hukumatlararo komissiyaning 19-yig‘ilishi yakunida imzolangan edi.
Bitim AESni loyihalashtirish va qurish bo‘yicha hamkorlikni ko‘zda tutadi. AES Rossiya loyihasi asosidagi har birining quvvati 1,2 gigavattga teng bo‘lgan ikkita energoblokni o‘z ichiga oladi.
AES qurilishi uchun Navoiy va Buxoro viloyatlari o‘rtasidagi To‘dako‘l ko‘lining atrofidagi hudud tanlangan.
Rossiya prezidenti Vladimir Putin 18—19-oktabr kunlari rasmiy tashrif bilan O‘zbekistonda bo‘ladi.
Izoh (0)