Ўзбекистон Президенти Шавкат Мирзиёев 13 октябрдаги қарори билан Ўзбекистон ва Россия ҳукуматлари ўртасидаги Ўзбекистон ҳудудида атом электростанцияси қуришда ҳамкорлик ҳақидаги битимни тасдиқлади. Бу ҳақда ҳукуматдаги манбасига таяниб, «Газета.uz» хабар берди.
Ҳужжат 7 сентябрда Москвада икки мамлакат бош вазирлари томонидан иқтисодий ҳамкорлик бўйича Ҳукуматлараро комиссиянинг 19-йиғилиши якунида имзоланган эди.
Битим АЭСни лойиҳалаштириш ва қуриш бўйича ҳамкорликни кўзда тутади. АЭС Россия лойиҳаси асосидаги ҳар бирининг қуввати 1,2 гигаваттга тенг бўлган иккита энергоблокни ўз ичига олади.
АЭС қурилиши учун Навоий ва Бухоро вилоятлари ўртасидаги Тўдакўл кўлининг атрофидаги ҳудуд танланган.
Россия президенти Владимир Путин 18—19 октябрь кунлари расмий ташриф билан Ўзбекистонда бўлади.
Изоҳ (0)