Tailand poytaxti Bangkok shahrida velosportning trek yo‘nalishi bo‘yicha Osiyo kubogi o‘tkazilmoqda, deb xabar beradi MOQ matbuot xizmati.
Musobaqada O‘zbekiston nomidan Osiyo o‘yinlari sovrindori Murod Xolmurodov qatnashmoqda. Xolmurodov bahslarda uchinchi natijani qayd etdi va bronza medali sohibiga aylandi.
Qayd etish lozim, mavsum Xolmurodov uchun muvaffaqiyatli kechmoqda. U fevral oyida Malayziyada o‘tkazilgan Osiyo chempionatida uchinchi o‘rindan joy olgandi. Indoneziyadagi Osiyo o‘yinlarida esa u kumush medalga sazovor bo‘ldi.
Izoh (0)