AQSh davlat qarzi 30-sentabrda yakunlangan 2018-moliya yili davomida 1,2 trillion dollardan ziyodga o‘sdi, deb yozadi The Washington Examiner. 28-sentabr, juma kuni davlat qarzi butun tarixi mobaynidagi eng yuqori nuqtaga — 21,516 trillion dollarga yetdi.
O‘tgan oyda, mamlakat federal hukumatining zayomlari 2018-moliyaviy yilning ilk 11 oyi ichida 895 milliard dollarni tashkil qilgan, bu o‘tgan yilning shu davriga nisbatan 222 milliard dollarga ko‘p demakdir.
2020-yilga kelib, AQSh budjet taqchilligi Barak Obamaning prezidentlik davridagi kabi 1 trillion dollar nuqtasiga yetadi. Bunda qarzning o‘sish sur’atlari yiliga allaqachon 1 trilliondan oshayotganini hisobga olish kerak. Masalan, shu moliyaviy yilda taxminan yarim yil ichida davlat qarzi 20 dan 21 trilliongacha oshdi.
Davlat qarzining eng yuqori nuqtasi 2019-yil 1-martga belgilangan, bu sanagacha hukumat istalgan summada qarz olishi mumkin. Kongressdagi konservatorlar fikricha, hukumat xarajatlari hech qanaqasiga cheklanmaganligi sababli budjet taqchilligi yaqin yillarda o‘sishda davom etadi.
Izoh (0)