O‘zbek olimlari Nobel sovrindoriga faxriy doktor unvonini berdi

Toshkent avtomobil yo‘llarini loyihalash, qurish va ekspluatatsiyasi institutida “Yo‘l qoplamalarini barqaror boshqarish tizimlarini yaratish jarayonining muammolari” mavzusida ilmiy-amaliy seminar bo‘lib o‘tmoqda, deb yozadi O‘zA.

Mahalliy va xorijiy soha vakillari taklif etilgan ushbu tadbirda mamlakatdagi avtomobil yo‘llarini loyihalashtirish, qurish va ulardan foydalanish ishlariga kompleks yondashuvni tashkil etish, bu borada xorijiy aloqalarni yo‘lga qo‘yish, kadrlarni tayyorlash, qayta tayyorlash va malakasini oshirishga qaratilgan dolzarb masalalar muhokama etiladi.

Seminarning ahamiyatli tomonini shundaki, unda ilk bor Singapur milliy universiteti professori, “Eng yaxshi maqola” nominatsiyasi bo‘yicha Nobel mukofoti sovrindori, bir necha nufuzli akademiyalar akademigi, Singapur yo‘l qoplamalari uyushmasi prezidenti Fua Tin Fang va Xitoyning Chanan universiteti professori Chu Longjia ishtirok etmoqda.

Anjumanda janob Fua Tin Fangga Toshkent avtomobil yo‘llarini loyihalash, qurish va ekspluatatsiyasi institutining faxriy doktori unvoni berildi.