O‘zbekiston MTRKning “Yoshlar” teleradiokanaliga Nozimjon Mo‘minov vaqtincha direktor vazifasini bajaruvchi etib tayinlandi. Bu haqda “Turon 24” xabar berdi.
Nozimjon Mo‘minov bunga qadar “Yoshlar” teleradiokanali” AJ direktorining birinchi o‘rinbosari bo‘lgan.
Nozimjon Mo‘minov 1976-yil Farg‘ona viloyatida tug‘ilgan. Farg‘ona davlat universiteti, O‘zbekiston prezidenti huzuridagi davlat va jamiyat qurilishi akademiyasi qoshidagi oliy biznes maktabini tamomlagan.
Avvalroq “Yoshlar” telekanaliga rahbarlik qilib kelgan Madamin Safarov “O‘zbekiston 24” telekanaliga direktor etib tayinlangan edi.
Izoh (0)