“Kasperskiy laboratoriyasi” Roaming Mantis yangi zararli mobil bank troyanini aniqladi. U foydalanuvchilar hisob ma’lumotlarini o‘g‘irlash maqsadida iOS-qurilmaga zarar yetkazadi, shuningdek, kriptovalyutalar yashirin veb-mayningini amalga oshiradi. Bu haqda kompaniya xabarida ma’lum qilindi, deb yozadi “RIA Novosti”.
Kaspersky Lab ma’lumotlariga ko‘ra, avval troyan DNS’ni almashtirib qo‘yish usulini qo‘llagan va Android bazasidagi smartfonlarga zarar yetkazgan, biroq endilikda uning iOS-qurilmalardagi faolligi qayd etilgan.
“Roaming Mantis fishing yordamida iOS foydalanuvchilari hisob ma’lumotlarini o‘g‘irlay boshladi. Virus qurbonlari iOS-qurilmalaridagi sahifalariga murojaat qilganda, ular soxta saytlarga yo‘naltiriladi, u yerda jinoyatchilar foydalanuvchi identifikatori, paroli, bank kartasi raqami, uning amal qilish muddati va CVV kodini o‘g‘irlaydi”, — deyiladi xabarda.
Bundan tashqari, virus veb-mayning maqsadida iOS bazasidagi gadjetlarga hujum qila boshlagan.
Izoh (0)