Kaspersky Lab iOS-қурилмаларда майнингни амалга оширувчи вирусни аниқлади

«Касперский лабораторияси» Roaming Mantis янги зарарли мобил банк троянини аниқлади. У фойдаланувчилар ҳисоб маълумотларини ўғирлаш мақсадида iOS-қурилмага зарар етказади, шунингдек, криптовалюталар яширин веб майнингини амалга оширади. Бу ҳақда компания хабарида маълум қилинди, деб ёзади «РИА Новости».

Kaspersky Lab маълумотларига кўра, аввал троян DNS’ни алмаштириб қўйиш усулини қўллаган ва Android базасидаги смартфонларга зарар етказган, бироқ эндиликда унинг iOS-қурилмалардаги фаоллиги қайд этилган.

«Roaming Mantis фишинг ёрдамида iOS фойдаланувчилари ҳисоб маълумотларини ўғирлай бошлади. Вирус қурбонлари iOS-қурилмаларидаги саҳифаларига мурожаат қилганда, улар сохта сайтларга йўналтирилади, у ерда жиноятчилар фойдаланувчи идентификатори, пароли, банк картаси рақами, унинг амал қилиш муддати ва CVV кодини ўғирлайди», — дейилади хабарда.

Бундан ташқари, вирус веб майнинг мақсадида iOS базасидаги гаджетларга ҳужум қила бошлаган.