Toshkent shahrining Sergeli tumanida 2018-yil 17-sentabr kuni IIBga tushgan hujjatlarga ko‘ra, 12-maydan 12-iyungacha bo‘lgan vaqt oralig‘ida fuqaro B.K. Jo‘nariq mahallasida fuqaro A.I. va B.R.ga 1 litr pista yog‘ini 1,08 AQSh dollaridan olib berishini aytadi. Bu haqda IIV jamoatchilik va OAV bilan aloqalar boshqarmasi xabar berdi.
B.K. aldov yo‘li bilan ulardan jami 43 500 AQSh dollarini oladi. Biroq, bergan va’dasini bajarmay, pullarni o‘z ehtiyoji uchun ishlatib yuboradi.
Ko‘rilgan choralar natijasida B.K. qo‘lga olindi.
Holat yuzasidan jinoyat ishi qo‘zg‘atilgan. Tergov harakatlari olib borilmoqda.
Izoh (0)