Hindiston hukumati “islom dini bo‘yicha ajrashuv”ni taqiqlovchi qonun loyihasini ma’qulladi, deb xabar beradi Associated Press. Erga istalgan vaqtda ajrashish haqida e’lon qilish huquqini beruvchi shariat qonuni ayollarning konstitutsiyaviy huquqlarini buzadi, deb topildi.
172 milliondan ortiq hind musulmonlarining katta qismi sunniylar bo‘lib, shariatda erkaklarga “taloq” so‘zini uch marta qaytarish orqali nikohni buzish huquqi berilgan. Buni yuzma-yuz uchrashuvda ham, telefon qo‘ng‘irog‘i, SMS-xabarlar va hatto ijtimoiy tarmoqlar orqali ham amalga oshirish mumkin.
Hindiston adliya vaziri Ravi Shankar Prasad 22 ta mamlakat, shu jumladan qo‘shni Pokiston va Bangladesh bunday amaliyotni taqiqlaganini aytdi. Taqiq uzil-kesil qabul qilinganidan keyin, uni buzganlik uchun uch yillik qamoq jazosi qo‘llaniladi.
Izoh (0)