Kolumbiyaning Guaduas shahrida haydovchining olomon ustiga mashina haydashi oqibatida sakkiz kishi halok bo‘ldi, o‘n kishi jarohatlandi. Bu haqda “Zakon.kz” xabar bermoqda.
Qayd etilishicha, mahalliy aholi vakillari avvalroq sodir bo‘lgan YTHdan so‘ng to‘planib, muzqaymoq va yogurt olib ketayotganida ag‘darilib ketgan ikkita avtomobil yaqinida turgan edi. Ular shossega sochilib ketgan mahsulotlarni yig‘ayotganlarida boshqa bir avtomobil kelib ularni bosib ketgan.
Dastlabki ma’lumotlarga ko‘ra, mashinaning tormozi ishlamay qolgan. To‘rt kishi hodisa joyida, yana to‘rt kishi esa shifoxonada halok bo‘lgan.
Izoh (0)