Toshkent shahridagi Milliy matbuot markazida 19-sentabr kuni O‘zbekiston Respublikasi Sog‘liqni saqlash vazirligi va Nobel Pharmsanoat farmatsevtika korxonasi tomonidan mamlakat farmatsevtika tarmog‘ining rivojlanishida chet el investitsiyalarining hissasi, xususan, Nobel Pharmsanoat tomonidan amalga oshirilayotgan ishlar samaradorligiga bag‘ishlangan matbuot anjumani tashkil etiladi. Bu haqda O‘zA xabar berdi.
Tadbirdan so‘ng Nobel Pharmsanoat farmatsevtika korxonasiga media-tur uyushtirilishi rejalashtirilgan.
Nobel Pharmsanoat korxonasi 2000-yilda Ulkar Holding kompaniyasi ishtirokida tashkil etilgan bo‘lib, bugungi kunda O‘zbekiston farmatsevtika sohasida 100 foiz chet el sarmoyasi asosida faoliyat ko‘rsatayotgan korxonadir.
Mazkur korxona tomonidan O‘zbekistonda 60 dan ortiq nomda yuqori sifatli dori-darmon vositalari ishlab chiqarilib, dunyo bozoriga ham eksport qilinmoqda.
300 dan oshiq yuqori malakali xodimlar mehnat qilayotgan korxona tomonidan ishlab chiqarilayotgan barcha mahsulotlar yetakchi davolash muassasalarida sinovdan o‘tkazilgan.
Izoh (0)