Тошкент шаҳридаги Миллий матбуот марказида 19 сентябрь куни Ўзбекистон Республикаси Соғлиқни сақлаш вазирлиги ва Nobel Pharmsanoat фармацевтика корхонаси томонидан мамлакат фармацевтика тармоғининг ривожланишида чет эл инвестицияларининг ҳиссаси, хусусан, Nobel Pharmsanoat томонидан амалга оширилаётган ишлар самарадорлигига бағишланган матбуот анжумани ташкил этилади. Бу ҳақда ЎзА хабар берди.
Тадбирдан сўнг Nobel Pharmsanoat фармацевтика корхонасига медиа-тур уюштирилиши режалаштирилган.
Nobel Pharmsanoat корхонаси 2000 йилда Ulkar Holding компанияси иштирокида ташкил этилган бўлиб, бугунги кунда Ўзбекистон фармацевтика соҳасида 100 фоиз чет эл сармояси асосида фаолият кўрсатаётган корхонадир.
Мазкур корхона томонидан Ўзбекистонда 60 дан ортиқ номда юқори сифатли дори-дармон воситалари ишлаб чиқарилиб, дунё бозорига ҳам экспорт қилинмоқда.
300 дан ошиқ юқори малакали ходимлар меҳнат қилаётган корхона томонидан ишлаб чиқарилаётган барча маҳсулотлар етакчи даволаш муассасаларида синовдан ўтказилган.
Изоҳ (0)