5—14-sentabr kunlari Yaponiyaning Kitakyushu shahrida pauerlifting bo‘yicha Osiyo va Okeaniya chempionati bo‘lib o‘tdi, deb xabar beradi Milliy olimpiya qo‘mitasi matbuot xizmati.
Mazkur musobaqada mintaqaning 29 ta davlatidan 200 nafarga yaqin sportchi sovrinli o‘rinlar uchun kurash olib bordi. Bahslarda ishtirok etgan ikki nafar o‘zbekistonlik atletlar esa oltin medalga sazovor bo‘ldi.
Yoshlar o‘rtasida kechgan bahslarda -50 kg vazn toifasida ishtirok etgan Muslima Nuriddinova 72 kg toshni ko‘tarib, birinchi o‘rinni egalladi. Kattalar o‘rtasida bo‘lib o‘tgan bellashuvlarda esa -55 kg vazn toifasida Roza Qo‘ziyeva 115 kg natija ko‘rsatib, oltin medal sohibasiga aylandi.
Izoh (0)