Qurolli Kuchlari akademiyasi qo‘mondonlik-shtab fakulteti tinglovchilarining “Vatan” oilaviy yotoqxonasi qoshida bolalar uchun sport maydonchasi bunyod etilib, foydalanishga topshirildi. Bu haqda Mudofaa vazirligi matbuot xizmati xabar berdi.
Sport maydonchasini topshirish marosimida Mudofaa vazirligi rahbariyati, Qurolli Kuchlar akademiyasi harbiy xizmatchilari, “Vatan” oilaviy yotoqxonasida istiqomat qiluvchi harbiylarning oilalari ishtirok etdi.
Yangitdan bunyod etilgan sport maydoncha ichidan 24 x 16 metrli mini-futbol uchun mo‘ljallangan stadioni joy olgan bo‘lib, unga Yevropa talablariga javob beruvchi san’iy qoplamalar to‘shalgan, zaruriy jihozlar o‘rnatilgan.
Shuningdek, 9 x 16 metrli o‘yingoh endilikda bolajonlarning o‘z vaqtini maroqli o‘tkazishlarini ta’minlovchi barcha imkoniyatlarga ega bo‘ldi.
Ushbu oilaviy yotoqxona 2 yil davomida Qurolli Kuchlar akademiyasining Qo‘mondonlik-shtab fakultetida ta’lim oluvchi ofitser oilalariga mo‘ljallangan.
Izoh (0)