Respublika aholi punktlarida ichimlik suvi ta’minoti va kanalizatsiya tizimi yanada yaxshilanadi
“Respublika aholi punktlarida ichimlik suv ta’minoti va kanalizatsiya tizimlarini yanada yaxshilash chora-tadbirlari to‘g‘risida”gi hukumat qarori qabul qilindi. Bu haqda Adliya vazirligining “Huquqiy axborot” Telegram kanali ma’lum qildi.
Qarorga muvofiq, 2018–2019-yillarda Andijon, Buxoro, Jizzax, Qashqadaryo, Navoiy, Namangan, Samarqand, Surxondaryo, Sirdaryo, Toshkent va Farg‘ona viloyatlarida ichimlik suv ta’minoti va kanalizatsiya tizimlarini qurish va rekonstruksiya qilish dasturi tasdiqlandi.Dastur doirasida joriy yilda amalga oshirilishi nazarda tutilgan loyihalarning qurilish muddati qisqaligi sababli, pudrat tashkilotlariga istisno tariqasida bir martalik 30 foiz bo‘nak ajratiladi.
Mazkur Dasturni amalga oshirish uchun 705 251 million so‘m qiymatidagi mablag‘ ajratiladi.