Samarqand shahridagi “Sharq yulduzi” kinoteatrida “Respublika kinoprokat markazi” DUK viloyat filiali tomonidan tarixiy haqiqatlarga asoslangan “Islomxo‘ja” badiiy-publitsistik filmi namoyish etildi, deb xabar beradi “Samarkandskiy vestnik”.
“Filmda Xiva xonligining bosh vaziri, xalqparvar jamoat va davlat arbobi Islomxo‘ja hayoti, davlat va xalq uchun amalga oshirgan ishlari, uning tashabbusi bilan qurilgan zamonaviy kasalxona, telegraf binosi hamda Nurullaboy saroyining barpo etish jarayonlari iste’dodli rejissor Jahongir Ahmedov tomonidan mohirona ochib berilgan.
Shuningdek, Islomxo‘janing sirli o‘limiga oid tafsilotlarga ham tadqiqotchi-tarixchilar tomonidan o‘rganilgan hujjatlarga asoslanib, voqeaga xolisona yondashishga harakat qilingan.
Asosiy rollar taniqli aktyorlar Alisher Uzoqov, Ulug‘bek Qodirov hamda aktrisa Asal Shodiyeva tomonidan ijro etilgan”, — deyiladi xabarda.
Izoh (0)