Самарқанд шаҳридаги «Шарқ юлдузи» кинотеатрида «Республика кинопрокат маркази» ДУК вилоят филиали томонидан тарихий ҳақиқатларга асосланган «Исломхўжа» бадиий-публицистик фильми намойиш этилди, деб хабар беради «Самаркандский вестник».
«Фильмда Хива хонлигининг бош вазири, халқпарвар жамоат ва давлат арбоби Исломхўжа ҳаёти, давлат ва халқ учун амалга оширган ишлари, унинг ташаббуси билан қурилган замонавий касалхона, телеграф биноси ҳамда Нуруллабой саройининг барпо этиш жараёнлари истеъдодли режиссёр Жаҳонгир Аҳмедов томонидан моҳирона очиб берилган.
Шунингдек, Исломхўжанинг сирли ўлимига оид тафсилотларга ҳам тадқиқотчи-тарихчилар томонидан ўрганилган ҳужжатларга асосланиб, воқеага холисона ёндашишга ҳаракат қилинган.
Асосий роллар таниқли актёрлар Алишер Узоқов, Улуғбек Қодиров ҳамда актриса Асал Шодиева томонидан ижро этилган», — дейилади хабарда.
Изоҳ (0)