Janubiy Koreya qirg‘oq soqchiligi Yapon dengizining janubiy qismida, Koreya bo‘g‘ozidan chiqishda Rossiyaning “Palladiy” tankerini 15 nafar ekipaj a’zolari bilan qo‘lga tushirdi, deb yozadi “Izvestiya”. Ayni paytda kema shatakka olinib, Pusan portiga keltirilmoqda, “Palladiy” u yerdan rasmiylashtiruvsiz chiqib ketgan edi.
“Palladiy” kemasi Pusanda 2018-yil iyunida ham ushlab qolingan edi. Bunga dengizchilarning ularga maosh to‘lanmagani haqidagi shikoyati sabab bo‘ldi. Vaziyatga port ma’muriyati hamda Transport ishchilari xalqaro federatsiyasi mutaxassislari aralashgach, qarzdorlikning katta qismi to‘landi.
Avgustda esa hamon Pusanda qolayotgan “Palladiy”ning besh dengizchisi yana kasaba uyushmasiga murojaat qilib, Rossiyaga qaytishda va maoshlarini to‘liq olishda yordam so‘radi.
Izoh (0)