RT telekanalining YouTube’dagi kanalida Rossiya prezidenti Vladimir Putinning Tuvada hordiq chiqarayotgani aks etgan video e’lon qilindi.

Foto: RT

Rossiya prezidenti mudofaa vaziri Sergey Shoygu va federal xavfsizlik xizmati direktori Aleksandr Bortnikov bilan birga tog‘da sayr qildi.

Prezident matbuot kotibi Dmitriy Peskovning so‘zlariga ko‘ra, Putin shanba va yakshanba kunlarini Yeniseyda o‘tkazgan.

O‘tgan yilning avgustida ham Putin Tuvada hordiq chiqargan edi. O‘shanda Peskov Putin kvadrosiklda aylangani va baliq ovi bilan mashg‘ul bo‘lganini aytgan edi.