O‘zbekistonning Yekaterinburgdagi bosh konsuli etib tayinlangan Abdusalom Hotamov 9-avgust kuni Toshkentdan Rossiyaga jo‘nab ketdi. Bu haqda O‘zbekiston Tashqi ishlar vazirligi matbuot xizmati ma’lum qildi.
Abdusalom Hotamov bunga qadar Tashqi ishlar vazirligining Konsullik-huquqiy departamenti bo‘limi boshlig‘i lavozimida ishlagan.
Mart oyida Sankt-Peterburg shahrida O‘zbekiston bosh konsulligi ochilgan edi. Bungacha O‘zbekiston Moskvada elchixona va Novosibirskda bosh konsullika ega edi.
“Gazeta.uz”ning qo‘shimcha qilishicha, O‘zbekiston fuqarolari manfaatlarini himoya qilish maqsadida Rossiyaning Qozon, Rostov-Don va Vladivostok shaharlarida ham konsullik muassasalari ochish rejalashtirilgan.
Izoh (0)