Italiyaning Bolonya shahri chekkasidagi shimoli-g‘arbiy shosseda, shahar aeroportidan uncha uzoq bo‘lmagan joyda kuchli yong‘in aralash ketma-ket portlashlar yuz berdi, deya xabar bermoqda Meduza.
Hodisa oqibatida kamida bir kishi halok bo‘lgan, kamida 40 kishi turli darajada tan jarohati olgan. Bir qator jabrlanuvchilar portlashlar joyidan uchib kelgan parchalar oqibatida jarohatlangan.
Dastlabki ma’lumotlarga ko‘ra, shosseda tez alanga oluvchi moddalar (katta ehtimol bilan, yonilg‘i) olib ketayotgan sisterna yo‘l-transport hodisasiga uchragan.
Yong‘in YTH yuz bergan yo‘l yoqasidagi avtosalonlarda turgan avtomobillarga ham o‘tib ketgan. Portlashlar bir necha uylarning oynalarini sindirib yuborgan. YTH yuz bergan yo‘l o‘tkazgich portlashlar va yong‘in sabab qisman qulagan.
Ushbu hodisa Bolonya shahri aeroporti faoliyatiga ta’sir ko‘rsatmagani aytilmoqda.
Izoh (0)