Suriyaning Masyaf shahrida avtomobilning portlatib yuborilishi oqibatida mamlakat prezidenti Bashar Asad bilan yaqin munosabatda bo‘lgan mashhur olim Aziz Asbar halok bo‘ldi, deb yozadi Isroilning Walla portali.
Uning ma’lumotlariga ko‘ra, portlash Asbar uyi yonida mashinaga o‘tirgan vaqtida yuz bergan. Olimning haydovchisi ham halok bo‘lgan.
Portlash uchun javobgarlikni Abu Amar rahbarligidagi jangarilar o‘z bo‘yniga olgan, ammo mahalliy jurnalistlar fikricha, qotillik ortida chet el maxsus xizmatlari turgan bo‘lishi mumkin.
Masyaf shahrida kimyoviy qurol ishlab chiqiladigan va takomillashtiriladigan ilmiy-tadqiqot markazi joylashgan. Asbar unda muhim rol o‘ynagani qayd etilmoqda. Markazga ikki marta Isroil HHK tomonidan bombardimonlar uyushtirilgan. Ikkala holatda ham olim markaz hududida bo‘lmagan.
Izoh (0)