Toshkentliklar bir yilda 60 soat vaqtini taksida o‘tkazishi ma’lum bo‘ldi

inDriver yo‘lovchi tashish mobil servisi toshkentliklar bir yilda 60 soat vaqtini taksida o‘tkazishlarini aniqladi. Bu haqda Sputnik xabar bermoqda.

inDriver tadqiqot davomida Toshkent aholisi qachon va qaysi yo‘nalishlarda taksiga buyurtma berishi va qancha vaqt yurishini tahlil qilib chiqdi.

Statistikaga ko‘ra, Toshkent aholisi haftasiga o‘rtacha 3-4 marta taksiga buyurtma beradi. Dam olish kunlarida ish kunlaridagiga nisbatan ikki marta ko‘proq buyurtma beriladi.

Taksida yurishning o‘rtacha davomiyligi 18 daqiqa 17 soniyani, o‘rtacha masofa 3,7 kilometrni, o‘rtacha narx esa 1000 so‘mni tashkil etadi.

Eng ko‘p buyurtma ertalab soat 8-9 hamda kechki 7-19ga to‘g‘i keladi. Dam olish kunlari soat18 dan 22 ga qadar taksilar band bo‘ladi.

Eng ko‘p buyurtmalar Sergeli, Yunusobod, Qo‘yliq, Chilonzor tumanlaridan va Shota Rustaveli ko‘chasidan tushadi.

Eng ko‘p boriladigan manzillar esa Qo‘yliq bozori, aeroport, “Vodnik” dahasi, Janubiy vokzal, TTZ “Diadora”, Sergeli—8a, Sergeli—7, “Malika” savdo markazi hisoblanadi.