Yagona maktab formasining joriy etilishi yangi qaror loyihasi tasdiqlanmagani sababli cho‘zilib ketdi. Bu haqda Xalq ta’limi vazirligi matbuot xizmati ma’lum qildi, deya xabar beradi “Podrobno.uz”.
“Hujjat ayni paytda hukumat tomonidan ko‘rib chiqilmoqda. Yaqin kunlarda tasdiqlanishi bilan maktab formasi narxi, qayerda xarid qilish mumkinligi va boshqa tafsilotlar haqida rasman ma’lumot beramiz. Ota-onalar hozircha forma sotib olish borasida shoshmay turganlari ma’qul”, — deya izoh berdi vazirlik mutasaddilari.
Vazirlikka ko‘ra, yagona maktab formasining joriy etilishi 2018—2019-o‘quv yili mobaynida bosqichma-bosqich amalga oshiriladi. Shu bois yangi o‘quv yili boshlanishi bilan yagona maktab formasini sotib olmagan o‘quvchilar maktabga qo‘yilmasligi haqidagi gap-so‘zlar asossiz.
Izoh (0)