Hozirgi zamonda ko‘pchilik odamlar o‘zlari va oila a’zolarining farovon hayot kechirishlari, bolalarining xorijiy o‘quv yurtlarida o‘qishini, o‘zlarining aktivlari xavfsizligini ta’minlash, shuningdek, dunyo bo‘ylab erkin harakatlanish maqsadida boshqa davlat fuqaroligini yoki unda yashash uchun guvohnoma (keyingi o‘rinlarda YaUG) olishga harakat qiladilar. Dunyoning ko‘pchilik mamlakatlarida YaUG rasmiylashtirish investitsiya evaziga berilishi qonunchilik bilan mustahkamlangan.
Investitsiyalar evaziga yangi fuqarolarni qabul qiluvchi ba’zi davlatlarda soliq imtiyozlari va biznesni amalga oshirish uchun qulay sharoitlar mavjud. Aksariyat sarmoyadorlarni Yevropaning bir qator davlatlari (Malta, Kipr, Portugaliya, Gretsiya va boshqa ) va Karib dengizi mamlakatlari (Sent-Kits va Nevis, Antigua va Barbuda, Dominika, Grenada va Sent-Lyusiya va boshqa) ko‘proq qiziqtiradi.
“Investitsiya evaziga fuqarolik” dasturi, to‘laqonli fuqarolik olish, yoki yashash uchun guvohnoma olish imkonini beradimi? Ularning asosiy farqi nimada?
Investitsiya kiritish evaziga beriladigan yashash uchun guvohnoma Yevropa ittifoqining hamma davlatlarida ham uning egasiga ishlash huquqi, davlat sug‘urtasidan foydalanish va bolalarining bepul ta’lim olishi huquqini bermaydi. To‘laqonli fuqarolik esa YeIning istalgan davlatida rasman ishlash va soliq rezidenti maqomini o‘zgartirish imtiyozidan foydalanish imkonini beradi.
Shuningdek, Yevropada yashash uchun guvohnomasi bergan mamlakatda butun yil davomida yashash mumkin, Shengen davlatlarida esa bu ko‘rsatgich 90 kunni tashkil etadi.
Ba’zi davlatlarda esa avval yashash uchun guvohnomani rasmiylashtirib, keyin fuqarolik olish mumkin. Masalan, Portugaliyada yashash uchun guvohnomaga ega bo‘lganlar, 5 yildan so‘ng doimiy yashash huquqini, 6 yildan keyin esa pasport olishlari mumkin. Biroq, ayrim davlatlarda fuqarolikni olishda qo‘shimcha ravishda til bilish sinovidan o‘tish shart. Bundan tashqari, mamlakat fuqaroligini olishda Yevropaning bir necha davlatlari qonunchiligi mavjud fuqarolikdan voz kechishni talab qiladi. Shu bilan birgalikda, yashash uchun guvohnoma olishda mavjud fuqarolikdan voz kechish talab etilmaydi.
Misol tariqasida, Karib dengizi davlatlari fuqarolikka davogarlarga erkinroq munosabat bildiradi. Ko‘pgina mamlakatlarda investitsiya kiritish evaziga 2-5 oy davomida ikkinchi pasport olish ham mumkin. Buning uchun pasportni berishdan avval yoki keyin mamlakatda yashash shart emas. Yevropada ham YaUG olish shartlari o‘xshash: masalan, Portugaliyada yashash uchun guvohnoma muddatini uzaytirish uchun bu davlatda hech bo‘lmasa, yilda bir hafta yashash lozim.
Biroq, mamlakatda yashash uchun guvohnoma yoki ikkinchi fuqarolikni olmoqchi bo‘lganlarning investitsiya obyektlariga qo‘yiladigan talablar Yevropa va Karib dengizi davlatlarida tubdan farq qiladi. Deylik, Kiprda investitsiya kiritish evaziga fuqarolik olish dasturiga ko‘ra, soliq va bojlari bilan birga kamida 2 million yevro, Maltada – 880 ming yevrodan boshlab, Bolgariyada – 1 million yevrodan ko‘proq sarmoya kiritish kerak.
Bu imkoniyat O‘zbekiston fuqarolari uchun qonuniymi?
O‘zbekiston Respublikasi, umuminsoniy qadriyatlarga sodiqligini va asosiy insoniy huquqlarni, xususan, erkin harakatlanish va yashash joshini tanlash huquqini kafolatlashni bildirgan holda Oliy Majlisning №127-I sonli qaroriga ko‘ra, 1995-yil 31-avgustda fuqaroviy va siyosiy huquqlar to‘g‘risidagi xalqaro paktga qo‘shildi.
Shuningdek, yuqoridagi tamoyillarga asoslanib, dunyodagi tartibsizlik va mintaqaviy raqobatlar sharoitida global iqtisodiy va siyosiy tizimda mamlakatning o‘rnini mustahkamlash uchun zurur bo‘lgan chora-tadbirlarning ahamiyatini anglagagan holda, O‘zbekiston joriy yilning oktyabr oyidan boshlab turli toifadagi xorijiy fuqarolar uchun vizaning yangi tizimini joriy etishni rejalashtirmoqda. Xususan, O‘zbekistonda tug‘ilganlar va ularning oila a’zolari uchun 5 yillik “Vatandosh”, yirik investorlar uchun esa, 10 yillik Golden Visa kabi vizalar.
O‘zbekiston Respublikasi Adliya vazirligining saytida chop etilgan Prezident farmoni loyihasiga ko‘ra, O‘zbekiston Respublikasi hududida chet el fuqarosi tomonidan 200 ming AQSh dollari miqdorida turar joy xarid qilingan taqdirda yashash guvohnomasi berish ko‘zda tutilgan.
S.VERENIN’S LEGAL GROUP advokatlik firmasi mutaxassislari migratsiya masalalari va O‘zbekiston Respublikasida yashash uchun guvohnoma olish bo‘yicha professional maslahat berishga tayyor. Barcha savollar bo‘yicha quyidagi raqamga murojaat etish orqali:
+99871 150-15-06;
+99871 150-15-07;
www.sverenins.uz saytidan ma’lumot olish mumkin.
Reklama huquqi asosida
Izoh (0)