Ҳозирги замонда кўпчилик одамлар ўзлари ва оила аъзоларининг фаровон ҳаёт кечиришлари, болаларининг хорижий ўқув юртларида ўқишини, ўзларининг активлари хавфсизлигини таъминлаш, шунингдек, дунё бўйлаб эркин ҳаракатланиш мақсадида бошқа давлат фуқаролигини ёки унда яшаш учун гувоҳнома (кейинги ўринларда ЯУГ) олишга ҳаракат қиладилар. Дунёнинг кўпчилик мамлакатларида ЯУГ расмийлаштириш инвестиция эвазига берилиши қонунчилик билан мустаҳкамланган.
Инвестициялар эвазига янги фуқароларни қабул қилувчи баъзи давлатларда солиқ имтиёзлари ва бизнесни амалга ошириш учун қулай шароитлар мавжуд. Аксарият сармоядорларни Европанинг бир қатор давлатлари (Мальта, Кипр, Португалия, Греция ва бошқа ) ва Кариб денгизи мамлакатлари (Сент-Китс ва Невис, Антигуа ва Барбуда, Доминика, Гренада ва Сент-Люсия ва бошқа) кўпроқ қизиқтиради.
«Инвестиция эвазига фуқаролик» дастури, тўлақонли фуқаролик олиш, ёки яшаш учун гувоҳнома олиш имконини берадими? Уларнинг асосий фарқи нимада?
Инвестиция киритиш эвазига бериладиган яшаш учун гувоҳнома Европа иттифоқининг ҳамма давлатларида ҳам унинг эгасига ишлаш ҳуқуқи, давлат суғуртасидан фойдаланиш ва болаларининг бепул таълим олиши ҳуқуқини бермайди. Тўлақонли фуқаролик эса ЕИнинг исталган давлатида расман ишлаш ва солиқ резиденти мақомини ўзгартириш имтиёзидан фойдаланиш имконини беради.
Шунингдек, Европада яшаш учун гувоҳномаси берган мамлакатда бутун йил давомида яшаш мумкин, Шенген давлатларида эса бу кўрсатгич 90 кунни ташкил этади.
Баъзи давлатларда эса аввал яшаш учун гувоҳномани расмийлаштириб, кейин фуқаролик олиш мумкин. Масалан, Португалияда яшаш учун гувоҳномага эга бўлганлар, 5 йилдан сўнг доимий яшаш ҳуқуқини, 6 йилдан кейин эса паспорт олишлари мумкин. Бироқ, айрим давлатларда фуқароликни олишда қўшимча равишда тил билиш синовидан ўтиш шарт. Бундан ташқари, мамлакат фуқаролигини олишда Европанинг бир неча давлатлари қонунчилиги мавжуд фуқароликдан воз кечишни талаб қилади. Шу билан биргаликда, яшаш учун гувоҳнома олишда мавжуд фуқароликдан воз кечиш талаб этилмайди.
Мисол тариқасида, Кариб денгизи давлатлари фуқароликка давогарларга эркинроқ муносабат билдиради. Кўпгина мамлакатларда инвестиция киритиш эвазига 2-5 ой давомида иккинчи паспорт олиш ҳам мумкин. Бунинг учун паспортни беришдан аввал ёки кейин мамлакатда яшаш шарт эмас. Европада ҳам ЯУГ олиш шартлари ўхшаш: масалан, Португалияда яшаш учун гувоҳнома муддатини узайтириш учун бу давлатда ҳеч бўлмаса, йилда бир ҳафта яшаш лозим.
Бироқ, мамлакатда яшаш учун гувоҳнома ёки иккинчи фуқароликни олмоқчи бўлганларнинг инвестиция объектларига қўйиладиган талаблар Европа ва Кариб денгизи давлатларида тубдан фарқ қилади. Дейлик, Кипрда инвестиция киритиш эвазига фуқаролик олиш дастурига кўра, солиқ ва божлари билан бирга камида 2 миллион евро, Мальтада – 880 минг евродан бошлаб, Болгарияда – 1 миллион евродан кўпроқ сармоя киритиш керак.
Бу имконият Ўзбекистон фуқаролари учун қонунийми?
Ўзбекистон Республикаси, умуминсоний қадриятларга содиқлигини ва асосий инсоний ҳуқуқларни, хусусан, эркин ҳаракатланиш ва яшаш жошини танлаш ҳуқуқини кафолатлашни билдирган ҳолда Олий Мажлиснинг №127-I сонли қарорига кўра, 1995 йил 31 августда фуқаровий ва сиёсий ҳуқуқлар тўғрисидаги халқаро пактга қўшилди.
Шунингдек, юқоридаги тамойилларга асосланиб, дунёдаги тартибсизлик ва минтақавий рақобатлар шароитида глобал иқтисодий ва сиёсий тизимда мамлакатнинг ўрнини мустаҳкамлаш учун зурур бўлган чора-тадбирларнинг аҳамиятини англагаган ҳолда, Ўзбекистон жорий йилнинг октябр ойидан бошлаб турли тоифадаги хорижий фуқаролар учун визанинг янги тизимини жорий этишни режалаштирмоқда. Хусусан, Ўзбекистонда туғилганлар ва уларнинг оила аъзолари учун 5 йиллик «Ватандош», йирик инвесторлар учун эса, 10 йиллик Golden Visa каби визалар.
Ўзбекистон Республикаси Адлия вазирлигининг сайтида чоп этилган Президент фармони лойиҳасига кўра, Ўзбекистон Республикаси ҳудудида чет эл фуқароси томонидан 200 минг АҚШ доллари миқдорида турар жой харид қилинган тақдирда яшаш гувоҳномаси бериш кўзда тутилган.
S.VERENIN’S LEGAL GROUP адвокатлик фирмаси мутахассислари миграция масалалари ва Ўзбекистон Республикасида яшаш учун гувоҳнома олиш бўйича профессионал маслаҳат беришга тайёр. Барча саволлар бўйича қуйидаги рақамга мурожаат этиш орқали:
+99871 150-15-06;
+99871 150-15-07;
www.sverenins.uz сайтидан маълумот олиш мумкин.
Реклама ҳуқуқи асосида
Изоҳ (0)