Rossiya oliy o‘quv yurtlarini tanlagan xorijlik abituriyentlar soni ortib bormoqda. Bu haqda Ta’lim va fan sohasida nazorat bo‘yicha federal xizmat ma’lum qildi, deya xabar beradi “RIA Novosti”.
Muassasa matbuot xizmatiga ko‘ra, iyul oyining o‘zida bunday arizalar soni o‘tgan yilning shu davriga nisbatan salkam 17 foizga ko‘paygan va 3 mingtadan oshiqni tashkil etgan.
Eng ko‘p arizalar O‘zbekiston, Eron, Misr, Iroq, Marokash, Saudiya Arabistoni va Tunis fuqarolaridan kelib tushgan.
Ma’lumot uchun, bugungi kunda Rossiyada 250 mingdan ortiq xorijlik talaba tahsil olmoqda. Bu mamlakatdagi jami talabalarning 5 foizini tashkil etadi.
Izoh (0)