Ukraina prezidenti Pyotr Poroshenko AQSh prezidenti Donald Tramp ma’muriyatiga Davlat departamentining Qrim deklaratsiyasi — Vashington Qrimning Rossiya tomonidan egallab olinishini tan olmasligi haqidagi hujjati uchun minnatdorlik bildirdi. Bu haqda “Korrespondent.net” xabar bermoqda.
“Ukrainaning xalqaro tan olingan chagaralaridagi hududiy yaxlitligini qo‘llab-quvvatlash bo‘yicha murosasiz pozitsiyasi uchun Prezident Donald Tramp ma’muriyatidan samimiy minnatdorman”, — deb yozdi Poroshenko Facebook’dagi sahifasida.
Prezidentning so‘zlariga ko‘ra, “Qrimning Ukrainaga tegishliligi muhokama qilinmaydi — bu murosalar mavzusi emas, bunday bo‘lmagan va bo‘la olmaydi ham”.
Avvalroq AQSh Davlat departamenti rahbari Mayk Pompeo Vashington Qrimning Rossiyaga o‘tishini tan olmasligini ma’lum qilib, Moskvani yarim orolning “istilosi”ni bas qilishga chaqirdi.
Izoh (0)