Buyuk Britaniya hukumati AQShni Qrimning Rossiya tarkibiga kirishiga qarshilik ko‘rsatishda qo‘llab-quvvatlaydi. Bu haqda Britaniya hukumati saytiga tayanib, “RBK” xabar bermoqda.
Bayonotda ta’kidlanishicha, London Rossiya tomonidan davom etayotgan xalqaro huquqlarning buzilishini qoralaydi. “Qrim — Ukraina hududi”, — deyiladi xabarda. Britaniya hukumati, shuningdek, Qrimda inson huquqlari buzilishi hamda yarim orolning Rossiya tarkibiga kirishiga qarshi ovoz bergan ozchilikning holatidan xavotirda.
Avvalroq AQSh Davlat departamenti rahbari Mayk Pompeo Vashington Qrimning Rossiyaga o‘tishini tan olmasligini ma’lum qilib, Moskvani yarim orolning “istilosi”ni bas qilishga chaqirdi. Ukraina prezidenti Pyotr Poroshenko AQShga ushbu qadam uchun minnatdorlik bildirdi.
Izoh (0)