Bugungi kunda hayotimizni o‘rin-ko‘rpa, paxmoq sochiq, xalat va pardalarsiz tasavvur qilish qiyin. Har bir inson ularga ega va ular biz uchun endi imkonsiz narsa emas.
Biroq, narx va sifat masalasi hali ham ochiq. Biz do‘stlarimiz va tanishlarimiz orasida bunday buyumlarni qayerdan va qanday sifatda sotib olishni afzal ko‘rishlarini bilish uchun mini-so‘rov o‘tkazdik. Javoblar bizni hayron qoldirmadi - bu Xitoy va Turkiya.
Nima uchun biz hali ham o‘zbek to‘qimachiligiga ishonmaymiz? Savol juda aniq, chunki sifat past darajada. Bu jizzaxlik yurtdoshlarimiz Jizzax viloyati Arnasoy tumanida joylashgan “ARNASOY GOLD TEX” MChJ kompaniyasiga qarashli yangi zavod uchun Moskvada ISO sertifikatini olmagunga qadar edi. ISO 9001 sifat standartiga ega eng yangi to‘qimachilik uskunalari bilan jihozlangan zavod “ZARA Home Collection” va “Taс Home” kabi dunyoga mashhur moda uylarining qo‘llab-quvvatlovi hamda tavsiyasiga erishdi, ularning mutaxassislari loyihani muvaffaqiyatli yakunlash, shuningdek, 5 yil muddatga hamkorlik uchun jalb etildi. Ta’kidlash joizki, “ARNASOY GOLD TEX” MChJ kompaniyasi Oeko-Tex Standard 100 sertifikatiga ega bo‘lib, u mahsulot sifatini qo‘shimcha ravishda tasdiqlaydi. Kelajakda “ZARA Home Collection” va “Taс Home” jahon brendlarining ishlab chiqarish quvvatlarini O‘zbekiston hududida tashkil etish rejalashtirilgan. Zavod 2019-yil boshida ishga tushadi va 700 dan ortiq kishi ish bilan ta’minlanadi.
ISO 9001 sertifikatining mavjudligi o‘zbek to‘qimachiligiga xalqaro bozorlarga chiqish imkonini beradi, u yerda esa, sertifikatning borligi - majburiy talab. Shuningdek, bu hukumat tomonidan tartibga solinuvchi sektorda ham ishlashga sharoit yaratadi.
Yana bir yorqin loyiha - jahonga mashhur “NIKE” va “ADIDAS” brendlari bilan sport kiyim-kechaklarini ishlab chiqarish bo‘yicha shartnomani imzolash rejalashtirilgan. Ushbu yangilik futbol muxlislari uchun haqiqiy sovg‘a bo‘ladi.
Eslatib o‘tamiz, O‘zbekiston Milliy olimpiya qo‘mitasi rahbari, O‘zbekiston Futbol federatsiyasi rahbarlaridan biri Umid Ahmadjonov O‘zbekistonda Olimpiya sport turlarini rivojlantirish va o‘ziga bildirilgan ishonchni oqlash uchun qo‘lidan kelgan barcha ishni qilishga va’da berdi. “Biz birgalikda Olimpiya sport turlarini rivojlantirish va 2020-yilgi Tokiodagi Yozgi olimpiya o‘yinlarida yuksak yutuqlarga erishish uchun barcha sa’y-harakatlarimizni amalga oshiramiz”, - deya ma’lum qilgan u joriy yilning 16 yanvar oyida, Milliy olimpiya qo‘mitasiga saylangan paytida.
Ushbu zavodda ishlab chiqariladigan to‘qimachilik mahsuloti jahon yetakchilari bilan osonlikcha raqobatlasha oladi. Mamlakatimiz aholisi va mehmonlarida jahon ishlab chiqaruvchilarning eng yangi mahsulotlarini mahalliy paxta xomashyosidan tayyorlangan holda va arzon narxlarda sotib olish uchun ajoyib imkoniyat paydo bo‘ladi. Eng muhimi, “ARNASOY GOLD TEX” kompaniyasi tomonidan ishlab chiqarilgan o‘zbek to‘qimachilik mahsulotlarini g‘urur bilan kiyib yurish va sovg‘a qilish mumkin.
Zero, o‘zingizning yurtda ishlab chiqarilgan kiyimlar, o‘rin-ko‘rpalar va yana ko‘p narsalarni xarid qilish yoqimlidir. Sifatli kiyim-kechak kichik narsadek tasavvur uyg‘otadi, lekin u hayotni juda osonlashtirishi mumkin!
O‘zbekistonning Jizzax viloyatida jahon brendlarining to‘qimachilik mahsulotlari ishlab chiqariladi!
Izoh (0)