Жиззах вилоятида жаҳон брендларининг тўқимачилик маҳсулотлари ишлаб чиқарилади!

Бугунги кунда ҳаётимизни ўрин-кўрпа, пахмоқ сочиқ, халат ва пардаларсиз тасаввур қилиш қийин. Ҳар бир инсон уларга эга ва улар биз учун энди имконсиз нарса эмас.

Бироқ, нарх ва сифат масаласи ҳали ҳам очиқ. Биз дўстларимиз ва танишларимиз орасида бундай буюмларни қаердан ва қандай сифатда сотиб олишни афзал кўришларини билиш учун мини-сўров ўтказдик. Жавоблар бизни ҳайрон қолдирмади - бу Хитой ва Туркия.

Нима учун биз ҳали ҳам ўзбек тўқимачилигига ишонмаймиз? Савол жуда аниқ, чунки сифат паст даражада. Бу жиззахлик юртдошларимиз Жиззах вилояти Арнасой туманида жойлашган «ARNASOY GOLD ТЕХ» МЧЖ компаниясига қарашли янги завод учун Москвада ISO сертификатини олмагунга қадар эди. ISO 9001 сифат стандартига эга энг янги тўқимачилик ускуналари билан жиҳозланган завод «ZARA Home Cоllection» ва «Тас Home» каби дунёга машҳур мода уйларининг қўллаб-қувватлови ҳамда тавсиясига эришди, уларнинг мутахассислари лойиҳани муваффақиятли якунлаш, шунингдек, 5 йил муддатга ҳамкорлик учун жалб этилди. Таъкидлаш жоизки, «ARNASOY GOLD ТЕХ» МЧЖ компанияси Oeko-Tex Standard 100 сертификатига эга бўлиб, у маҳсулот сифатини қўшимча равишда тасдиқлайди. Келажакда «ZARA Home Cоllection» ва «Тас Home» жаҳон брендларининг ишлаб чиқариш қувватларини Ўзбекистон ҳудудида ташкил этиш режалаштирилган. Завод 2019 йил бошида ишга тушади ва 700 дан ортиқ киши иш билан таъминланади.

ISO 9001 сертификатининг мавжудлиги ўзбек тўқимачилигига халқаро бозорларга чиқиш имконини беради, у ерда эса, сертификатнинг борлиги - мажбурий талаб. Шунингдек, бу ҳукумат томонидан тартибга солинувчи секторда ҳам ишлашга шароит яратади.

Яна бир ёрқин лойиҳа - жаҳонга машҳур «NIKE» ва «ADIDAS» брендлари билан спорт кийим-кечакларини ишлаб чиқариш бўйича шартномани имзолаш режалаштирилган. Ушбу янгилик футбол мухлислари учун ҳақиқий совға бўлади.

Эслатиб ўтамиз, Ўзбекистон Миллий олимпия қўмитаси раҳбари, Ўзбекистон Футбол федерацияси раҳбарларидан бири Умид Аҳмаджонов Ўзбекистонда Олимпия спорт турларини ривожлантириш ва ўзига билдирилган ишончни оқлаш учун қўлидан келган барча ишни қилишга ваъда берди. «Биз биргаликда Олимпия спорт турларини ривожлантириш ва 2020 йилги Токиодаги Ёзги олимпия ўйинларида юксак ютуқларга эришиш учун барча саъй-ҳаракатларимизни амалга оширамиз», - дея маълум қилган у жорий йилнинг 16 январь ойида, Миллий олимпия қўмитасига сайланган пайтида.

Ушбу заводда ишлаб чиқариладиган тўқимачилик маҳсулоти жаҳон етакчилари билан осонликча рақобатлаша олади. Мамлакатимиз аҳолиси ва меҳмонларида жаҳон ишлаб чиқарувчиларнинг энг янги маҳсулотларини маҳаллий пахта хом ашёсидан тайёрланган ҳолда ва арзон нархларда сотиб олиш учун ажойиб имконият пайдо бўлади. Энг муҳими, «ARNASOY GOLD ТЕХ» компанияси томонидан ишлаб чиқарилган ўзбек тўқимачилик маҳсулотларини ғурур билан кийиб юриш ва совға қилиш мумкин.

Зеро, ўзингизнинг юртда ишлаб чиқарилган кийимлар, ўрин-кўрпалар ва яна кўп нарсаларни харид қилиш ёқимлидир. Сифатли кийим-кечак кичик нарсадек тасаввур уйғотади, лекин у ҳаётни жуда осонлаштириши мумкин!

Ўзбекистоннинг Жиззах вилоятида жаҳон брендларининг тўқимачилик маҳсулотлари ишлаб чиқарилади!