Toshkent shahrining Mirobod tumanida joylashgan Sigma biznes-markazi binosida yong‘in ro‘y berdi. Bu haqda UzNews ma’lum qildi.
Tumandagi Nukus ko‘chasi, 71-uyda joylashgan Sigma biznes-markazida 19-iyul kuni soat 05:17 da yong‘in sodir bo‘layotgani xabar qilindi.
Toshkent shahar IIBB YoXB bo‘linmalari tomonidan ko‘rilgan tezkor harakatlar natijasida yong‘in soat 05:49 da bartaraf etildi.
Yong‘in oqibatida biznes-markaz binosining tashqi qoplamasi 30 kvadrat metr maydoni hamda 4-qavatda joylashgan sog‘lomlashtirish markazining xonasi 25 kvadrat maydoni yongan.
Yong‘in sababi va keltirilgan moddiy zarar miqdori aniqlanmoqda.
Izoh (0)