Тошкент шаҳрининг Миробод туманида жойлашган Sigma бизнес-маркази биносида ёнғин рўй берди. Бу ҳақда UzNews маълум қилди.
Тумандаги Нукус кўчаси, 71-уйда жойлашган Sigma бизнес-марказида 19-июль куни соат 05:17 да ёнғин содир бўлаётгани хабар қилинди.
Тошкент шаҳар ИИББ ЁХБ бўлинмалари томонидан кўрилган тезкор ҳаракатлар натижасида ёнғин соат 05:49 да бартараф этилди.
Ёнғин оқибатида бизнес-марказ биносининг ташқи қопламаси 30 квадрат метр майдони ҳамда 4-қаватда жойлашган соғломлаштириш марказининг хонаси 25 квадрат майдони ёнган.
Ёнғин сабаби ва келтирилган моддий зарар миқдори аниқланмоқда.
Изоҳ (0)