Ta’lim sifatini nazorat qilish davlat inspeksiyasi hamda Oliy va o‘rta-maxsus ta’lim vazirligi O‘zbekiston OTMlari reytingini ishlab chiqdi. Bu haqda inspeksiya matbuot xizmatiga tayanib, “Gazeta.uz” xabar berdi.
Reyting rivojlangan davlatlarning ilg‘or tajribasi hamda QS, ARWU, TIME kabi yirik reyting agentliklari uslublariga tayangan holda tuzildi. Oliy ta’lim muassasalari jami 23 ta indikator asosida baholandi.
Mart-iyun oylarida 57 ta oliy ta’lim muassasasi faoliyati tahlil qilindi va tajriba-sinov tariqasida reyting ishlab chiqildi.
Natijada kuchli 10 talikka quyidagi oliy ta’lim muassasalari kirdi:
1. O‘zbekiston milliy universiteti;
2. Toshkent davlat sharqshunoslik instituti;
3. Toshkent irrigatsiya va qishloq xo‘jaligini mexanizatsiyalash muhandislari instituti;
4. Toshkent to‘qimachilik va yengil sanoat instituti;
5. Samarqand davlat universiteti;
6. Toshkent tibbiyot akademiyasi;
7. Toshkent davlat stomatologiya instituti;
8. O‘zbekiston davlat jahon tillari universiteti;
9. Toshkent temir yo‘l transporti muhandislari instituti;
10. Toshkent axborot texnologiyalari universiteti.
Reytingda quyi pog‘onalarni egallagan 10 ta oliy ta’lim muassasalari quyidagilar bo‘ldi:
48. Namangan muhandislik-texnologiya instituti
49. Navoiy davlat pedagogika instituti
50. Qarshi muhandislik-iqtisodiyot instituti
51. Qarshi davlat universiteti
52. Jizzax politexnika instituti
53. Samarqand davlat arxitektura-qurilish instituti
54. O‘zbekiston davlat san’at va madaniyat instituti
55. Milliy rassomchilik va dizayn instituti
56. Jizzax davlat pedagogika instituti
57. Qo‘qon davlat pedagogika instituti.
Bundan tashqari, ijtimoiy-gumanitar, texnika, texnologiya, qurilish, san’at, madaniyat, sport hamda tibbiyot sohalari bo‘yicha ham reytinglar shakllantirildi.
Izoh (0)