Hozirgina futbol bo‘yicha Rossiya maydonlarida bo‘lib o‘tayotgan Jahon Chempionatining 14-iyul sanasiga belgilangan 3-o‘rin uchun o‘yin o‘z nihoyasiga yetdi.
3-o‘rin uchun guruh bosqichida bir-biriga qarshi to‘p surgan Belgiya hamda Angliya terma jamoalari kurash olib bordi.
O‘yinda hisob 4-daqiqada belgiyaliklar tomonidan ochildi. Nosir Shodlining qanotdan uzatmasini Toma Menye Jordan Pikford darvozasiga joylab qo‘ydi. Ikkinchi bo‘limning 82-daqiqasida esa Eden Azar Kevin de Bryuynening uzatmasidan keyin Pikford darvozasini ishg‘ol etib, o‘yinga yakuniy nuqtani qo‘ydi.
Uchrashuvini eronlik Alirizo Fag‘oniy boshchiligidagi hakamlar boshqarib bordi. Bellashuvga Sankt-Peterburgdagi “Krestovskiy” stadioni mezbonlik qildi.
Shu tariqa Belgiya Jahon Chempionatining bronza medallarini qo‘lga kiritdi.
Jahon Chempionati
3-o‘rin o‘yini
14-iyul, shanba
Belgiya—Angliya 2:0
Gollar: 1:0—4 Menye, 2:0—82 Azar.Belgiya: 1.Tibo Kurtua, 5.Yan Vertongen, 4.Vensan Kompani, 2.Tobi Alderveyreld, 15.Toma Menye, 17.Yuri Tilemans (19. Mussa Dembele, 79), 6.Aksel Vitsel, 22.Nosir Shadli (3. Tomas Vermalen, 39), 7.Kevin De Bryuyne, 9.Romelu Lukaku (14. Dres Mertens, 60), 10.Eden Azar.
Angliya: 1.Jordan Pikford, 16.Fil Jons, 5.Jon Stounz, 6.Garri Maguayr, 12.Kiran Trippyer, 3.Denni Rouz (7. Jessi Lingard, 46), 4.Erik Dayer, 17.Fabian Delf, 21.Ruben Loftus-Chik (20. Dele Alli, 84), 9.Harri Keyn, 10.Raxim Sterling (19. Markus Reshford, 46).
Ogohlantirishlar: Jon Stounz (52), Aksel Vitsel (90).
Izoh (0)