Ҳозиргина футбол бўйича Россия майдонларида бўлиб ўтаётган Жаҳон Чемпионатининг 14 июль санасига белгиланган 3-ўрин учун ўйин ўз ниҳоясига етди.
3-ўрин учун гуруҳ босқичида бир-бирига қарши тўп сурган Бельгия ҳамда Англия терма жамоалари кураш олиб борди.
Ўйинда ҳисоб 4-дақиқада бельгияликлар томонидан очилди. Носир Шодлининг қанотдан узатмасини Тома Менье Жордан Пикфорд дарвозасига жойлаб қўйди. Иккинчи бўлимнинг 82-дақиқасида эса Эден Азар Кевин де Брюйненинг узатмасидан кейин Пикфорд дарвозасини ишғол этиб, ўйинга якуний нуқтани қўйди.
Учрашувини эронлик Алиризо Фағоний бошчилигидаги ҳакамлар бошқариб борди. Беллашувга Санкт-Петербургдаги «Крестовский» стадиони мезбонлик қилди.
Шу тариқа Бельгия Жаҳон Чемпионатининг бронза медалларини қўлга киритди.
Жаҳон Чемпионати
3-ўрин ўйини
14 июль, шанба
Бельгия—Англия 2:0
Голлар: 1:0—4 Менье, 2:0—82 Азар.Бельгия: 1.Тибо Куртуа, 5.Ян Вертонген, 4.Венсан Компани, 2.Тоби Алдервейрелд, 15.Тома Менье, 17.Юри Тилеманс (19. Мусса Дембеле, 79), 6.Аксель Витсель, 22.Носир Шадли (3. Томас Вермален, 39), 7.Кевин Де Брюйне, 9.Ромелу Лукаку (14. Дрес Мертенс, 60), 10.Эден Азар.
Англия: 1.Жордан Пикфорд, 16.Фил Жонс, 5.Жон Стоунз, 6.Гарри Магуайр, 12.Киран Триппьер, 3.Дэнни Роуз (7. Жесси Лингард, 46), 4.Эрик Дайер, 17.Фабиан Делф, 21.Рубен Лофтус-Чик (20. Деле Алли, 84), 9.Ҳарри Кейн, 10.Рахим Стерлинг (19. Маркус Рэшфорд, 46).
Огоҳлантиришлар: Жон Стоунз (52), Аксел Витсель (90).
Изоҳ (0)